黑豆去水腫,紅豆補血養顏

紅豆,黑豆同是豆類, 營養價值有咩唔同? 紅豆含有較多鐵質, 有促進血液循環效用, 係女士養顏食材之一 . 不過講到去水腫功效, 黑豆比紅豆含有更多鉀質, 所以更有效排去體內多餘鈉質,消退水腫. 

除此之外, 黑豆既蛋白質同纖維比紅豆更要豐富. 比起沖水飲用紅豆或黑豆粉, 建議連豆渣食以吸取更高營養價值, 仲可以增加飽腹感, 維持腸道健康. 更厲害既係黑豆含有抗衰老既花青素, 天然抗氧化功效, 對皮膚自然都好啲啦.

圖片來源: 互聯網

打邊爐最肥醬料

打邊爐致肥陷阱係— 醬料

天氣轉涼, 一班朋友圍埋暖粒粒一齊打邊爐就最好不過. 但Keep 緊 Fit既你, 除左要識得揀低脂湯底同食材之外, 打邊爐唔少得既醬料都要小心選擇. 

低脂肪醬料包括豉油,魚露,醋, 辣椒,五香粉,胡椒粉; 而沙茶,沙爹醬,XO 醬, 辣椒油, 蝦膏,蝦醬就要盡量避免. 

當中打邊爐唔少得既沙茶醬, 熱量仲要比一般沙律醬高, 大約半碗沙茶醬已含超過600(千卡)熱量, 相等於差唔多3碗白飯!

圖片來源:互聯網

三大引致水腫的習慣

 

成日覺得口腫面腫? 香港人有3大飲食習慣會令到身體特別容易”儲水”. (1) 重口味飲食: 鹽份高既食物會減少水份排出體外. (2) 少飲水: 身體越缺水越會減少排出水份. (3) 少運動: 經常坐,或站立會減慢身體血液循環,水份容易積聚於下半身.

平日三餐都出外進食既上班族最容易有以上三個習慣. 唔想再手腫臉腫?

平日多走動,多飲水, 多食含有豐富礦物質—鉀的食物, 可以幫助身體排走多餘的鈉,即是鹽份.

香蕉, 檸檬, 奇異果都係富含鉀質既水果. 另外綠豆,紅豆,薏米都有助減低水腫情況出現. 想有效解決水腫問題, 攝取足夠水份同適量活動同樣重要.

  圖片來源: 互聯網

羽衣甘藍唔係個個啱食?!

近期興起既超級食物羽衣甘藍   (Kale), 含有豐富抗氧化物, 纖維素同鈣質. 本身係養顏,減肥最佳食物之選. 

但係原來唔係個個人都啱食. 同屬十字花科蔬菜既椰菜花, 西蘭花, 芥蘭同椰菜都係產氣食物, 係消化過程中會產生氣體, 進食過多會容易出現肚脹情況. 腸胃較差或容易有胃氣人士要盡量避免進食.  

Nutritionist Debbie

礦泉水好, 定蒸餾水好D?

水都分咁多款, 點揀好? 

蒸餾水同礦泉水嘅處理過程唔一樣，蒸餾水經過過濾，不含雜質；來自天然地下泉嘅礦泉水含有微量礦物鹽同礦物元素，例如鈉同鎂，注意飲食健康嘅人士應選擇飲礦泉水，但係腎臟比較差嘅人就唔適合長期飲用，以免增加腎臟過濾負擔。

另外，平日少攝取鈣質同維他命D嘅人士不宜長期飲用蒸餾水，因為長期飲用屬微酸性既蒸餾水會令身體處於酸性水平，加快鈣質流失，增加患骨質疏鬆風險!

圖片來源:互聯網

減肥實用小貼士

減肥除左要識得做正確飲食選擇同份量控制外, 建立日常生活中一啲習慣都可以幫手控制飲食:

         

•       用較細碗碟去載食物
•       用筷子代替匙勺用餐
•       不要空肚去逛超市
•       食飯先喝湯,後食飯餸
•       用餐時,慢慢嘴嚼
•       食前先問問自己是否餓或是嘴饞/貪食

減肥成功更重要既係決心同家人朋友既支持, 身邊有朋友減緊肥既你, 可以比佢地多啲鼓勵,信心同支持!

雙重滋味朱古力曲奇

份量: 20 (3吋) 塊

材料:

牛油/ 人做牛油 , (室溫)           1/2 杯

白砂糖                                  3/4 杯

雞蛋                                     1

雲呢嗱香油                          1 茶匙

中筋麵粉                                 1 杯

朱古力粉                             1/4 杯            

梳打粉                                1/2 茶匙

鹽                                       1/4 茶匙

白朱古力粒                   1/2 ~ 3/4 杯

步驟:

1. 預熱焗爐至350F/175C. 準備焗盤, 塗一層薄油於牛油紙/烘焙紙上,待用.

2. 將室溫(己變軟)牛油倒入大碗中, 加入砂糖, 用攪拌機或叉攪拌至砂糖與牛油完全混合. 再加入蛋及雲呢嗱香油, 用攪拌機拌均.

3. 把麵粉,朱古力粉及梳打粉過篩,加入牛油混合物, 加入鹽

4. 慢慢拌入朱古力粒

5. 用匙羹把曲奇麵團弄成小球放在焗盤上. *小麵團之間應預留足夠空間,相隔約兩個小麵團大小

6. 焗約6-12分鐘. 曲奇連同焗盤取出或整張烘焙紙連曲奇放在散熱架,待涼後可食用. 

小貼士: 

~ 取出曲奇後,把曲奇放在散熱架上稍為冷卻,能使曲奇定型, 當曲奇稍為變硬後,便可將曲奇從烘焙紙上移除

食得健康D:

~ 可以將朱古力粒用開心果粒或杏仁片代替, 味道一樣好夾!

核桃熱香餅配香蕉雪糕

核桃熱香餅配香蕉雪糕

想早餐食得健康D? 熱香餅唔一定要配雪糕. 用Frozen Banana 都可以整到同樣口感, 冇加糖,冇脂肪既雪糕只需要一樣食材,一樣廚具就整到啦.

份量: 2人

需時: 30分鍾

熱香餅

低筋麵粉       1 杯

白砂糖         2 湯匙

梳打粉         2 茶匙

蛋             1 隻

牛奶           3/4 杯

植物油         1 湯匙

核桃           1/4 杯

蜜糖/ 糖漿      適量

香蕉雪糕

雪藏香蕉        1條

做法:

熱香餅

1)      將麵粉,砂糖, 梳打粉拌勻

2)      蛋打散,加入牛奶跟油

3)      將蛋漿慢慢加入麵粉,拌勻

4)      塗一層的簿油在平底獲, 細火

5)      用湯碗或大湯勺倒粉漿在平底獲上.

6)      當氣泡浮上表面,便可反轉

7)      將剩餘粉漿用完,可整6塊4吋熱香餅

8)      淋上蜜糖,牛油,及加上香蕉雪糕,便完成

香蕉雪糕

1)      將香蕉切片,放入冰箱冷藏至少兩小時

2)      用攪拌機將冰香蕉打爛至呈漿,  用湯匙弄成小球放在熱香餅上即可食用

3)      如有需要, 可放進冰箱再冷藏

3塊輕怡消化餅等於一碗白飯

平時大家口痕又或者肚餓既時候,可能會揀食餅乾.你又知唔知唔同種類既餅乾既營養成份可以差好遠,要識揀先唔會愈食愈肥.

以熱量,總脂肪,糖份及鈉含量來比較,馬利餅比較健康. 雖然輕怡消化餅比原味消化餅含較少脂肪, 大家唔好比個名誤會咗, 3塊輕怡消化餅己相等於一碗白飯既熱量! 建議每份小食分量應少於100千卡而脂肪總含量少於3克會比較好. 注意體重人士要比較過營養標纖先好買呀.

餅乾	消化餅 (麥維他 輕怡)	馬利餅	梳打餅 (太平)	EDO 天然麥餅
份量	3 塊	4 塊	1 獨立包裝(3塊)	1 獨立包裝(4塊)
熱量	200 千卡	75千卡	116 千卡	144 千卡
糖份	9克	3克	0.5克	5.7 克
總脂肪量	6.5 克	2克	5克	3.5克
鈉	225毫克	61毫克	70 毫克	120 毫克
等於白飯份量	1 碗	1/3碗	半碗	3/4 碗

Nutritionist Debbie

[減肥唔一定要挨餓]

好多人覺得減肥就要挨餓. 其實只要揀啱食物, 你都可以飽住減磅!

要飽住瘦就要識揀高飽肚感既食物, 例如: 高蛋白質同高纖維食物,  另外要多飲水, 減少進食刺激食慾既甜食同口味重既食物.養成良好飲食習慣都可以幫助控制進食份量,用餐時要慢慢嘴嚼, 專心用餐, 邊食邊睇電視好容易不知不覺食多咗份量.

高蛋白質食物: 豆製食品,雞蛋, 魚, 瘦肉,藜麥 ,奶製品

高纖維食物: 蔬果, 五榖, 藜麥,豆類

nutritionist Debbie

[冰皮月餅健康D?]

每年幾乎有多款新潮月餅推出，但營養成份跟傳統月餅比較起，誰較優勝?消費者或認為冰皮月餅總比傳統月餅的蓮蓉及蛋黃成份來得健康; 雖然冰皮月餅的脂肪含量比傳統月餅較低，但是冰皮月餅的含糖量其實跟傳統月餅並不相差太多。加上冰皮月餅味道偏甜，或會不知不覺間多吃幾口。患有糖尿病，三高和心血管疾病人士同樣要小心留意進食份量。

100克 (約半個)雙黃蓮蓉月餅大約含29克糖，而100克冰皮朱古力心太軟月餅亦含27克糖，相等於7茶匙糖，已經超過世衛建議的每日(成人)6茶匙的糖份攝取量。 雖然在脂肪和鈉含量比較上，冰皮月餅都比傳統月餅低。為健康著想，不建議每天進食多於一個迷你 (60克) 冰皮月餅 或 1/4 個黃蓮蓉月餅。患有糖尿病，三高和心血管疾病人士建議要減一半進食份量。

膽固醇攝取上限已取消, 蛋黃可以食幾多?

世界衛生組織係去年取消每日膽固醇攝取上限 (每日300毫克), 咁仲有冇一星期唔可以過兩隻雞蛋既講法?

雖然膽固醇攝取現無設上限, 但係唔代表可以放肆任食含有膽固醇既食物. 雞蛋屬蛋白質食物, 與肉類歸為一組. 而一位成人每日平均建議攝取不多於6両肉類, 即大約兩份手掌心大小的肉類. 而一隻中型雞蛋以1両來計算. 只要每日既肉類攝取量唔超過每日建議份量, 

健康人士不需要太擔心一日一隻雞蛋(連蛋黃)會帶來心血管疾病. 當然, 前提是平日都要保持低糖,低脂飲食習慣,如果唔係膽固醇隨時超標!  減緊肥同患三高既朋友就更加要避免食蛋黃喇.

圖片來源: 互聯網

怎樣控制酒精攝取量?

閒時喜歡品嚐紅酒? 抑或工作應酬難免要飲幾杯? 想維持體重又想閒時兩杯的人士可以參考以下小貼士。
大家可能都會疑惑同一份量的酒精份量所含的卡路里為什麼會有不同，其實平常所聽講每一克酒精含7卡路里(千卡)是指每一克的純酒精含7卡路里。即是說濃度越高的酒精飲料所含的卡路里越多。酒精始終是屬高熱量食物，兩支350毫升啤酒的卡路里等同於一碗半白飯的卡路里! 再者，世界衞生組織於2012年經已把酒精飲品列為一級致癌物，所以建議大家不要過量飲用酒精飲料。根據美國心臟協會的建議: 男士每日不應攝取多於兩份酒精，而女士就不多於一份。所謂一份酒精大約相等於250毫升的啤酒、100毫升的餐酒 (即是紅酒、 白酒) 或30毫升的烈酒 (即威士忌、百蘭地)。酒精飲品小飲怡情，大飲傷身，建議一杯起兩杯止便可了。 

減少攝取酒精小貼士:

• 選擇酒精濃度較低飲品 
• 加入冰塊或水稀釋酒精 
• 每飲一杯酒, 應加插一杯非酒精飲品; 例如: 健怡汽水 
• 飲酒宜淺嚐, 避免大口地飲

By Nutritionist Debbie L.