7款晨早全餐

自己動手整早餐 一啲都唔難 最難係諗食啲咩

 < 奇異果草莓低脂乳酪飲品， 鮮果果醬多士 >

<椰菜豬肉水餃， 蔬菜通心粉>

  < 全早餐： 鮮水果，芝士焗番薯，溫泉蛋， 煉奶多士 >

   < 自家製洛神花果醬麵包， 水果乳酪芭菲, 法式蔬菜(加芝士)焗蛋 -->食譜 >

     < 鮮水果， 茉茶可麗餅-->食譜， TimHortons French Vanilla 咖啡 >

  < 鮮蝦雲吞蕃茄湯麵， 灼大白菜， 綠茶 > 

     

      < 奄列蛋配西蘭花， 煎白菜餃子， 玄米茶 >

檸檬蛋白批

      

時間:
     預備: 20分鐘 (用現成牛油撻皮)
     預備: 30分鐘 + 30 分鐘 冷凍 (自家製牛油撻皮)
     烘焙時間: 15 -20 分鐘
   
份量: 2 個 5吋 批

材料： 

1) 牛油皮：

無鹽牛油，溫室               55克

低筋麵粉(Cake pastry)    125克  (可用 110克淨麵粉 + 15克生粉 代替)

白砂糖                               30 克
鹽                                        少許, 一撮
蛋液                                   兩湯匙
雲呢嗱油                         1 茶匙

2) 檸檬吉士:

生粉                                    4 茶匙

麵粉                                    1 湯匙
白砂糖                                 1/4 杯/ 50克

熱水                                    180 毫升

檸檬                                     1 個

檸檬皮                                少量

牛油                                    1 湯匙
蛋黃                                    2 個
鹽                                        一撮

3) 蛋白霜：

蛋白                                      2 個

幼砂糖                                  3 湯匙 

步驟： 

牛油皮

1) 預熱焗爐至175C, 將低筋麵粉,糖,鹽混合攪拌,加入室溫牛油, 攪拌至完全混合.
2) 加入兩湯匙蛋液,攪均.用手將麵團揉至一團麵團.
3) 用保鮮紙包好, 放入雪櫃雪20至30分鐘.
4) 將牛油皮面團取出, 等數分鐘. 其間準備撻模, 塗一層薄薄的食油或牛油.
5) 準備兩層保鮮紙, 舖一張於工作台上, 把面團放上, 再放另一張保鮮紙於上面, 用面團掍把面團搓薄至約3至4毫米厚. (如牛油皮太濕,面團粘手,加入1湯匙面粉再搓勻, 如牛油皮太乾, 太多麵團碎, 可加入少量蛋液或水份. )
6) 撻皮成形後,放整塊撻皮放上撻模上, 用手輕壓牛油皮平貼於撻模上, 再用手指或刀將多餘的牛油皮沿模的邊沿除去. 如牛油皮出現裂紋, 可用多餘的牛油皮補上, 或輕按壓合上裂紋.
7) 於撻底上用叉刺滿洞, 放入焗爐, 焗約10分鐘或至金黃色.

檸檬吉士

1) 將80毫升水煲滾.

2) 用另一個煲放入麵粉,生粉, 開中火加熱,攪拌,

3) 倒入熱水, 檸檬皮及檸檬汁, 攪均直至麵粉完全溶合

4) 再加入牛油, 再攪均, 最後加入蛋黃. 繼續攪拌至開始沸騰 (見表面有氣泡).

5) 熄開, 閣至 幾分鐘, 倒入牛油撻皮

蛋白霜

1） 用打蛋器打兩隻蛋白至起泡。將白砂糖分開每一湯匙一邊慢慢灑入起泡蛋白一邊發打。繼續發打蛋白直至所有砂糖加入蛋白泡。繼續發打蛋白至企身。 當蛋白打至有光澤，或 將一匙羹蛋白 反轉不掉下來10秒 更可。

2) 趁吉士仍溫熱時, 把蛋白霜輕放上吉士撻上, 用匙羹在表面勾出倒勾, 或用擠袋擠出花紋.

烘焙:
1)將撻放於焗盤最低層, 用130C 焗, 留意焗爐熱力是否均勻, 轉動撻的位置以免部份蛋白燒焦.
2) 熱食冷食均可, 蛋白不宜冷藏多於一天, 待冷卻2小時內放入雪櫃, 建議用密實膠袋/盒存放雪櫃, 蛋白霜會因空氣水份變軟, 不宜保存長時間!

賀年”高”點

過多幾日就農曆新年, 又係訓練大家忍耐力既時候. 皆因大部份賀年糕點幾乎都係健康陷阱, 四大傳統賀年糕點 —蘿白糕, 芋頭糕, 馬蹄糕, 年糕屬於高鈉,高脂,高糖,同高澱粉代表. 年糕熱量最高, 蘿白糕鹽份高,  有心血管疾病, 糖尿同三高人士, 要一件起兩件止! 

每日不建議食多過2塊糕點 (約一張啤牌大小,  一厘米厚). 另外, 賀年糕點含高澱粉質, 想淺嚐下糕點食番一兩件應下節但又想減肥既人士可於同日減少進食半碗白飯份量, 以減少吸取過多卡路里. 糕點都係蒸既比較健康, 煎既糕點卡路里可以比蒸糕點高出一倍多架! 

圖片來源:互聯網

蘋果金寶撻

所需材料預備時間: 15 分鐘 (用現成批牛油皮)

所需材料預備時間: 25 分鐘 加 30 分鐘(自家整牛油皮)

做兩個4寸撻

材料:

批牛油皮 (買現成)  按這裡自整牛油皮

富士蘋果                     1

白砂糖                          1/8 杯  / 25克

肉桂粉                          1 茶匙

黃糖                              1/8 杯   / 30克

中筋麵粉                      3/8 杯  / 55克

燕麥片                         1/2 杯, /  45 克

室溫牛油                         55克

檸檬汁                         1 湯匙  / 15 毫升

糖霜/焦糖醬               少量, 裝飾用

做法:

1) 預熱烤爐 200C

2) 預備牛油皮 (牛油皮食譜按這裡), 在模底塗上一層簿油.將牛油皮舖上批模, 輕輕將牛油皮舖平在餅模上, 用手指頭或刀把多餘的牛油皮沿著餅模邊切齊邊.

3) 用叉在牛油皮上刺十多下，以免在焗製時撻皮隆起. 如自家整牛油皮時,可現將牛油皮舖上批模連模放入雪櫃一齊雪凍亦可, 放入雪櫃雪至少20分鐘. 冷藏後會使牛油皮更鬆軟. 雪凍20分鍾後放入焗爐烤約5分鐘.

4) 預備蘋果餡. 將半個蘋果切粒(可去皮),加入肉桂粉,白砂糖拌均. 取出牛油批皮, 把蘋果餡倒入撻模,把中間留空待放入蘋果玫瑰.

5) 預備糖碎/金寶. 將麵粉,黃糖,牛油, 燕麥片及肉皮粉拌均, 用手指將麵團搣成小粒狀. 將金寶隨意放上蘋果餡
上, 將多出的金寶一同放在焗盤上.

6) 調較焗爐至150C,焗大約15分鐘或至金黃色. (所需時間因,撻大小而不同) 

7) 預備蘋果花. 將剩餘的半個蘋果(連皮) 切簿片,約1毫米闊, 把蘋果片放於加入檸檬汁的熱水中泡約8-10分鍾, 或可放進微波爐加熱20秒使蘋果片變軟, 但微波爐熱力會使蘋果皮顏色退色. 把蘋果片取出, 把蘋果片放好(大約6片)在砧板上, 將一片蘋果片疊上另外一片蘋果片上(只疊一半),繼續將其餘6片疊上,每片只重疊之前的一半蘋果片.慢慢重疊出一行蘋果片. 再將蘋果片慢慢從第一片開始捲起,慢慢蘋果花會成形. 放在整個撻的中間.把之前多餘的金寶放在蘋果花中心.

8)灑上糖霜或焦糖漿. 完成.

整野食先黎發現原來冇哂雞蛋！😱

我諗有好多人都試過準備整野食既時候先發現原來買唔齊材料。你又冇諗過原來有啲食材都可以用其他食材代替，口感同香味可能有少少唔一樣，不過可能會有新驚喜！

原來一隻雞蛋可以用以下材料代替： 

軟豆腐 1/4 杯， Blended Silken Tofu. 1/4 C

香蕉蓉 1/4 杯,    Mashed Banana.   1/4C

蘋果醬  1/4 杯,   Applesauce.   1/4 C

花生醬  3湯匙，Peanutbutter   3 Tbsp 

亞麻籽 1湯匙 加 水 3 湯匙，攪拌機拌爛成蓉.   1 Tbsp Ground Flax Seeds mix with 3 Tbsp water 

下次屋企冇雞蛋都唔洗驚啦. 

注重健康，同膽固醇高既人士適合用亞麻籽或香蕉蓉代替雞蛋整蛋糕， 減低膽固醇攝取之餘仲可以吸收亞麻籽裏面嘅奧米加三脂肪酸, 香蕉既纖維素仲有助維持腸道健康！ 

肚瀉可唔可以食益生菌?

好多人都聽過益生菌對腸道健康有好處，可以幫助腸道蠕動， 改善排便不順問題。咁既然益生菌可加快腸道蠕動，咁肚瀉可唔可以食益生菌？

其實過往有很多研究顯示益生菌能有助縮短肚瀉嘅時間。有研究觀察兩組同有肚瀉情況出現嘅小朋友並作比較，發現有服用益生菌的那一組小朋友比沒有服用益生菌的平均快一天時間康復*。在三天內完全康復的人數亦比沒有進食益生菌的人數多21%。結果顯示益生菌能加快康復所需嘅時間*。

所以肚瀉食益生菌係唔會加快肚瀉情況仲可以快啲好返添。

乳酪、泡菜、納豆等都含有豐富益生菌。但係市面上這類食品大多數都經過加工，被加入大量糖分，鈉同防腐劑， 處理及運送過程都會令益生菌數量下降。所以建議尤其是有肚瀉人士購買信譽良好的益生菌補充產品。

*研究資料來源：https://www.ncbi.nlm.nih.gov/pubmedhealth/PMH0088733/

圖片來源： 互聯網

自家煮減肥7日餐單

1200（千卡）餐單

減肥既餐單, 揀啱食材固然重要, 但有三大準則一定要記住,  如果唔係揀啱食材,食啱份量都會肥🙊

1) 走醬汁! (鼓油,咖喱,沙律醬統統要走, 出街食記住要叫"另上")

2) 少鹽,少糖, 唔重口味! (向重咸味SAY NO!)

3) 少油! (想瘦一定揀瘦肉,烚菜加一茶匙橄欖油又香又健康)

第一日： 

    早餐 :青菜肉絲米粉 

             烚青菜(熟1碗） 肉絲( 兩安士）米粉( 熟1碗/平中碗）

     午： 鮮菇扒豆腐（菇-半碗，硬豆腐-半磚） 紅米混白飯  (1碗/約4滿匙勺）， 小蘋果 (1果)

     小食： 香蕉 （1條）

      晚： 紅米混白飯 （半碗）， 烚青菜 （1碗），瘦肉 （兩安士）

第二日：

        早： 吞拿魚三文治 （麥包 ）1份

        午：時菜肉片（菜-1碗，肉-2安士） 紅米混白飯（1碗，香蕉 （1小條）

        小：小蘋果（1果）

        晚：薑蔥蒸魚（2安士), 紅米混白飯 （半碗）， 烚菜（1碗）

第三日：

        早： 腿蛋包 （1 個），高鈣脫脂奶 （1杯），梨（1小個）

        午：焗三文魚 （2安士） , 烚菜 （1碗）， 紅米混白飯 （1碗）

        小： 小蘋果（1個）

        晚：青菜粉絲豆腐 （菜1碗，粉絲-半碗，硬豆腐-半磚），紅米混白飯 （半碗）

第四日：

           早： 燕麥片 （乾4勺，香蕉（1小條），高鈣脫脂奶 （1杯）

           午：瘦叉燒飯 走汁 （叉燒-兩安士， 飯（1碗）

             小：木瓜 （半杯）

             晚： 紅米混白飯 （半碗），冬菇扒時菜 （冬菇-4粒，烚青菜-1碗）

第五日： 

       早： 提子麥飽 （1個，高鈣低糖豆漿/脫脂奶 （1杯 ）， 烚蛋白（1只）

        午：白魚蛋米 （魚蛋-4粒）（米粉-1碗）， 烚時菜（1碗）

        小：木瓜/菠蘿 （半杯）

        晚：節瓜煮瘦肉 （節瓜-1碗，肉-兩安士), 紅米混白飯 （半碗）

第六日：

        早：火腿（1 片）蛋白 （1只）雜菜通心粉 1碗

        午：菜水餃 （6只），秋葵 /青菜（1碗）， 小蘋果（1果）

         小：香蕉 （1條）

         晚：薑蔥蒸魚,少油（兩安士）， 番茄豆腐蛋湯 （1碗）

第七日：

        早： 燕麥片 （乾4勺），紅提子 （1杯），高鈣脫脂奶（1杯）

        午：甜椒炒瘦肉片 （甜椒-1碗，瘦肉-兩安士）紅米混白飯（1碗）

        小： 小蘋果 （1果）

        晚： 雞絲 （兩安士）米粉 （1 碗）， 烚菜（ 1碗）

飲品選擇: 無糖綠荼, 無糖檸水