Friday, December 16, 2016
Sunday, December 11, 2016
三大引致水腫的習慣
成日覺得口腫面腫? 香港人有3大飲食習慣會令到身體特別容易”儲水”. (1) 重口味飲食: 鹽份高既食物會減少水份排出體外. (2) 少飲水: 身體越缺水越會減少排出水份. (3) 少運動: 經常坐,或站立會減慢身體血液循環,水份容易積聚於下半身.
平日三餐都出外進食既上班族最容易有以上三個習慣.
唔想再手腫臉腫?
平日多走動,多飲水, 多食含有豐富礦物質—鉀的食物, 可以幫助身體排走多餘的鈉,即是鹽份.
香蕉,
檸檬, 奇異果都係富含鉀質既水果. 另外綠豆,紅豆,薏米都有助減低水腫情況出現. 想有效解決水腫問題, 攝取足夠水份同適量活動同樣重要.
圖片來源: 互聯網
Thursday, December 1, 2016
羽衣甘藍唔係個個啱食?!
近期興起既超級食物羽衣甘藍 (Kale), 含有豐富抗氧化物, 纖維素同鈣質. 本身係養顏,減肥最佳食物之選.
但係原來唔係個個人都啱食. 同屬十字花科蔬菜既椰菜花, 西蘭花, 芥蘭同椰菜都係產氣食物, 係消化過程中會產生氣體, 進食過多會容易出現肚脹情況. 腸胃較差或容易有胃氣人士要盡量避免進食.
Nutritionist Debbie
Wednesday, November 30, 2016
礦泉水好, 定蒸餾水好D?
水都分咁多款, 點揀好?
蒸餾水同礦泉水嘅處理過程唔一樣，蒸餾水經過過濾，不含雜質；來自天然地下泉嘅礦泉水含有微量礦物鹽同礦物元素，例如鈉同鎂，注意飲食健康嘅人士應選擇飲礦泉水，但係腎臟比較差嘅人就唔適合長期飲用，以免增加腎臟過濾負擔。
另外，平日少攝取鈣質同維他命D嘅人士不宜長期飲用蒸餾水，因為長期飲用屬微酸性既蒸餾水會令身體處於酸性水平，加快鈣質流失，增加患骨質疏鬆風險!
Thursday, November 3, 2016
Subscribe to:
Posts (Atom)