無麩質杏仁曲奇

份量: 12 2吋曲奇
預備時間: 5 分鐘
烘焙時間: 25 分鐘


材料:

杏仁粉 1 杯
椰子油    1/8 杯
蜜糖 或 糖漿 1/8 杯
泡打粉   1/4 茶匙
雲呢嗱油1 茶匙
蘋果醋 1/2 茶匙
朱古力粒 1/4杯
糖霜  2 湯匙


做法:

1) 預熱焗爐至110 C, 放烘焙紙在曲奇焗盤上。

2) 在碗中，除了朱克力粒, 將所有材料混合攪均，直到全完混合形成麵團。

3) 加入一半朱古力粒份量, 拌均。

4) 用手將一小撮麵團搓成圓扁型, 大概1/2 to 1吋厚, 2吋闊。

5) 完成後將曲奇放在焗盤上, 曲奇之間差隔約2吋。

6) 焗25分鐘或直至金黃色 。

7) 從焗爐取出曲奇, 待涼, 同時用溫水隔熱熔化剩餘朱古力粒或用微波爐叮30秒。

8) 當曲奇待涼後, 用湯匙將朱古力塗上曲奇, 放至溫室或雪櫃直至朱古力凝固。灑上糖霜, 完成!

Bagel 麵包圈

份量：4迷你bagel
準備時間：1小時+20分鐘等待時間，30 分鐘預備時間
烘焙時間：20分鐘


材料：

麵包粉      250克
糖             2茶匙/10克
鹽             1茶匙                   
即用酵母  1茶匙
溫水         200毫升

按個人喜好加入其他材料：
車打芝士   2湯匙
抹茶粉      2湯匙

做法：


1）在碗中，加在酵母和糖，倒入溫水拌勻，直到溶解。

2）在一個大碗裡，放入麵包粉，加入鹽，攪勻。留空中間位置，慢慢倒入酵母混合液慢一邊慢混合，直到所有酵母水全部倒入麵粉。

3）手指粘上麵粉，並在桌上灑麵粉，把麵團移到桌上，用手心以同一方向揉麵團大概10分鐘。如麵團太乾，加入少許溫水直至所有麵粉揉成一團。

（額外加入的溫水份量視乎室內濕度而定, 這次食譜我額外加入大概100毫升) 
*貼士--放一張烘焙紙在桌及麵團之間, 再揉麵團;這樣會較容易清潔工作桌。

4）放麵團在碗內，並用濕布覆蓋, 放於室溫至少一個小時，直到它發大至少兩倍大小。




5）一小時後，用拳頭打麵團，使放出裡面空氣，再次用濕布覆蓋，等10分鐘。








 6）把麵團取出放在桌上，平均分成4等份，用手心滾動麵團成圓形。如果你想在麵團中添加其他食材，如堅果，種子或調味料，你可以在此步驟中加入。
（我在麵團中亦加入抹茶粉，所以有帶有少少綠色），再用手指或麵粉棍在麵團中心捅一個洞，做一個環形。

7）再用濕布或廚房紙覆蓋麵團10分鐘。

8）煮滾一鍋水。將Bagel放入熱水中加熱30秒，翻轉另外一面30秒。取出放在焗盤上。在水加熱可將Bagel表面煮熟定型,使烘焗後硬身鬆脆。預熱焗爐至220℃。

9）如想加什何配料調味可於這步驟放到bagel上，我加了芝士及羅勒。

10）焗約20分鐘或直到金黃色。完成！

新鮮的bagel味道最好。Bagel可在焗爐番熱進食。

烘焙小貼士

烘焙小貼士

1)      軟化牛油

要將剛從雪櫃取出來的牛油軟化, 可以用一隻用熱水浸過的杯或碗倒轉放平蓋上牛油, 熱力會將牛油軟化

 

2)      不浪費-將黏在攪拌器的粉/麵團於攪拌捧上輕易移除下來

將攪拌器懸空並開動攪拌器, 麵團會被因攪拌捧高速轉動而掉落     *用較高身容器/盤較好以被免麵團淺出盤外

3)      乾淨利落碌麵團

在桌上舖上一張保鮮紙, 放上麵團後再於麵團上放一張保鮮紙, 再用麵粉棍碌麵團. 可避免麵團黏在桌上或麵粉棍上

枸杞合桃布朗尼

枸杞含豐富抗氧化物, 有明目功效大家都知道, 通常用於中式煮法, 今次加入西式甜品, 己攪碎的枸杞幾乎嚐不出味道或口感, 但營養成份全完保留.

合桃建議切成小塊就可以, 脆硬口感跟布朗尼很搭, 合桃含奧米加3 對腦部,心血管有保護作用.

份量: 6吋 x 4吋
時間: 20 分鐘 預備
         30 分鐘 烘焙

材料: 

無鹽牛油    170克
朱古力粉    30 克
砂糖          125克
蛋               2 隻
泡打粉       半茶匙
雲尼嗱油   1 茶匙
麵粉          70 克
枸杞           1 湯匙
合桃            5 粒



做法:

1) 預熱焗爐至175C

2) 於鍋中, 用細火加熱牛油, 牛油熔化後,慢慢加入朱古力粉, 拌均

3) 離火, 加入糖, 拌均

4) 逐隻蛋打均, 加入牛油混合物, 繼續拌均

5) 加入泡打粉, 雲尼嗱油及麵粉, 拌均

6) 依個人喜好, 將枸杞及合桃用攪拌機打碎或用刀切碎, 再倒入混合物,

7) 塗一層油上焗盤, 將混合物倒入, 焗約30分鐘

朱古力越純 卡路里越高

朱古力越純 卡路里越高 <--按此查看MyCookey原文

黑朱古力同白朱古力有咩營養價值？
 

大家同叫朱古力，但營養價值是否相若呢？

比較其營養價值首先要知道兩者的成份，黑、白朱古力的主要成份包括：糖份、可可固體(可可粉，可可脂)、奶製品 (牛奶)、植物油、其他香料及表面活性劑等材料。

兩者最大的分別是白朱古力並不含有可可粉，所以顏色呈奶白色，亦沒有黑朱古力的可可香味及苦澀味。

許多研究已顯示可可含有抗氧化物-花青素及黃酮類，有助維持心血管健康，正因白朱古力不含可可粉，所以沒有抗氧化功效。

另外， 可可亦含有能刺激大腦分泌快樂荷爾蒙的成份，想透過食朱古力改善心情應選擇黑朱古力，並非白朱古力。

黑朱古力同白朱古力邊款卡路里高D？
 

雖然黑朱古力味道較苦澀，沒有比白朱古力甜，但兩者的卡路里相差並不太大。

以每100克份量來計算， 黑朱古力(45-59%可可)含546千卡, 白朱古力則含532千卡*。

如果以1粒朱古力(手指公大小)份量來比較，兩者所含卡路里相差很微。

黑朱古力的糖含量雖然比白朱古力少，但因為黑朱古力中的可可成份是脂肪的一種，相比起完全不含可可粉的白朱古力含有較高卡路里。

而黑朱古力的卡路里會隨著可可的濃度增加而遞增，亦即是說，90%濃度黑朱古力比65%的含較高卡路里。

坊間咁多唔同種類嘅朱古力，應如何選擇？
 

朱古力種類琳琅滿目， 很多都加入乾果、果仁等，

雖然乾果及果仁分別含有維生素和不包和脂肪酸，對人體有一定營養價值，

但朱古力始終屬高脂肪高糖食物，不應該倚賴以進食朱古力以增加吸收其營養素。

建議每星期進食不多於2-3次，份量不超過一隻手指公大小份量。

需減磅的人士選擇朱古力時， 應盡量避免夾心、酒心或餅乾曲奇朱古力。

由於現時香港暫沒有法例監管朱古力的定義，市面上含有少量可可成份的甜食亦可能被標籤為朱古力，

建議在購買前參考及比較營養標籤，選擇糖份、脂肪較低及含較高可可成份的朱古力。

* 資料來源：食品安全中心 

Debbie Lui

烘焙愛好者，Food Blogger，專業營養師

喜歡交流食譜，烘焙心得及營養知識，於加拿大西安大略大學營養學學士畢業，香港理工大學健康資訊科技碩士。

曾於就讀大學烹飪課堂任教學助理，參與醫院食物營養部門及協助大學營養研究工作。

曾於香港健康食品公司任職營養師

現於香港知名醫學美容健康中心任職營養師，曾於大型健康講座作講師，及提供健康營運咨詢服務。

洋車前子

新興減肥通便食物-洋車前子 你有冇聽過？

洋車前子是嚟至印度嘅一種植物種子外皮。 洋車前子之所以成為減肥同清腸胃嘅食材係因為佢含有非常豐富嘅膳食纖維, 熱量低, 能增加包腹感，加快腸道蠕動，適合減肥同有便秘人士食用對於高血壓，膽固醇高嘅人亦有助降低血壓血脂同埋膽固醇！ 食用方法好簡單只要加一匙羹係水或飲品， 洋前子會膨脹軟化 口感就好似西米一樣， 建議可加入粥， 豆漿又或者乳酪當中一齊食用

圖片來源:互聯網

[睇營養標籤第一步原來唔係睇卡路里]

睇營養標籤唔單止要留意卡路里含量, 睇卡路里之前要留意既係標籤上所指既食用分量.

比如當比較兩樣唔同牌子既營養標籤既時候, 要睇下兩者所顯示既食用分量係唔係相同.

例如, 牌子A 例明每10塊既餅乾含有100(千卡)卡路里, 而牌子B例明每5塊餅乾含有80千卡. 

如果以相同食用份量黎比較, 牌子B每塊卡路里含量比牌子A高. 驟眼睇以為脾子B低卡啲, 但係原來牌子A含卡路里較低, 所以營養標籤唔單止要睇, 仲要睇埋所指既食用份量,計一計數!

注重體重人士要同時留意總脂肪量及糖份含量. 低脂是指每100克食用份量, 總脂肪含量不多於3克; 而低糖是指每100克食用份量,糖份不超過5克.

迷你蛋白餅 Meringue Kisses

時間: 20分鐘
烘焙時間: 30-40分鐘

做大約30 個 迷你蛋白餅


材料:

蛋白                         2 隻
幼砂糖                     6 湯匙
糖霜                         4 湯匙
雲尼嗱香油             1 茶匙
烘焙食用朱古力     50克

做法:

1) 預熱焗爐90C.

2)將幼砂糖用打蛋器發至起白泡. 遂小加入幼砂糖 (每次大約加入一湯匙), 一邊慢慢加入砂糖, 一邊發打蛋白漿,直至所有幼砂糖全部加入蛋白.

3)繼續發打蛋白漿至企身(Stiff Peak)及令身. 將糖霜分兩次慢慢拌入(fold in)蛋白霜.

4) 將圓口擠嘴放入擠花袋中,再將蛋白霜放入袋, 輕輕擠出約3厘米闊蛋白餅,慢慢拉高袋身勾出尖頂形狀. 重覆擠出蛋白餅直至蛋白漿用完.放入焗爐焗30-40分鐘或焗至硬身.

5) 取出蛋白餅,待涼.

6) 將烘焙朱古力用微波爐或溫水熔化.

7)將已放涼的蛋白餅(整個或半個)放入朱古力漿中, 擱置待涼後即完成.

無鹽牛油 vs. 含鹽牛油

無鹽牛油同含鹽牛油既分別


大家準備材料整野食既時候,可能都會諗過用無鹽定含鹽牛油.  烘焙新手可能覺得兩者無大分別, 大多都冇太在意用邊類牛油. 其實冇話邊樣食譜一定要用邊隻牛油. 每個人都有唔同食材喜好, 廚師,烘焙師傅都會有個人喜好同用材料既執著.


無鹽牛油

無鹽牛油顧名思義不含鹽份, 除左味道有分別之外, 鹽份有延長牛油保鮮期作用,相比起含鹽牛油, 無鹽牛油的有效食用期或會較短. 但因為鹽份同時有用作防腐功用, 無鹽牛油都會被認為較為新鮮的牛油. 無鹽牛油通常會用於甜食製品, 因為鹽份對味道有一定影響. 但以營養角度來講, 當然愈少鹽份的牛油較為好, 本身大多甜品或麵包製品都屬高糖,高脂, 所以本身對血管心臟有負擔的糖,脂肪同鹽應愈少愈好.

另外無鹽牛油通常會含有較少水份.  廚師同烘焙師傅或會用無鹽牛油做某些甜品,麵包類, 因為水份的多少或多或少都會影響製成品口感同味道. 我自己會用無鹽牛油整奶油忌廉(Buttercream), 除了味道配搭既關係, 自己覺得用無鹽牛油做的奶油忌廉會比較 "企"身, 外觀上會比較容易維持形狀.

含鹽牛油

含鹽牛油比無鹽牛油含較多水份. 當食譜需要用到較多牛油的時候, 含鹽牛油裡面的鹽份或會令到最後製成品比較重咸味, 有些人會認為水份多會令到麵包咬感較重. 我自己覺得沒太大口感分別. 而含鹽牛油通常用於塗麵包, 鹽份味道配上麵包非常配合.  當然亦有人特別鍾意甜同咸味的混搭口味.



不同牌子的牛油含水量都會有不同, 而包裝標纖因沒有規定要例明水份含量, 所以好多時候, 廚師, 烘焙師都因自己經驗而用特定的牌子.

基本上, 我自己大多數會選擇用無鹽牛油做餅及甜品.

圖片來源: 互聯網

香蕉燕麥蛋糕

香蕉放得太耐會出班點,口感變軟, 糖份多. 最適合用黎整香蕉蛋糕, 甜度同香味都夠, 糖可以相對落少啲.
今次食譜用健康糖, 用糖份量可以減半.

有關文章: 低卡甜品食材-健康糖


.

份量: 1 個 6吋 圓蛋糕
預備時間: 15分鐘
焗時間: 30 分鐘

材料:

香蕉  (壓爛成蓉)                1
蛋                                    1
自發粉                              125 克, 或 用 125 克 淨麵粉 + 1/2 茶匙 泡打粉
Equal 健康糖                     100 克
牛油 (無鹽, 放溫室)            50克
牛奶                                  1/4 杯 (60毫升)
燕麥                                  1/4-1/2 杯
雲尼嗱油                            2 茶匙


做法:

1) 預熱焗爐至180C, 於餅模上鋪上烘焙紙.

2) 將麵粉及 糖拌均.

3)加入牛油,牛奶,蛋, 拌均.

4)倒入香蕉蓉, 雲尼嗱油, 攪拌全完混合成.

5)將混合物倒入模, 輕放餅模在桌上, 重覆約7-8次, 讓麵漿裡面多餘空氣走出來.        

6) 把燕麥平衢放在麵漿上, 放入焗爐焗至金黃色

7) 灑上糖霜.完成       

白朱古力最甜 但原來黑朱古力含最多脂肪

好多人話黑朱古力比白朱古力更加健康，因為黑朱古力含有天然抗氧化物黃酮素同兒茶素，對於心臟血管有保護及改善作用。但係白朱古力因為不含可可粉所以並沒有抗氧化嘅功效。但以營養成分比較，原來黑朱古力含嘅脂肪量最高！而白朱古力就含有最高嘅糖分。黑朱古力味道雖然偏苦，糖含量比白朱古力略少，但係脂肪含量高，所以兩款朱古力卡路里總含量分別不太大。雖然朱古力嘅成份有唔同，對健康亦有益處，不過朱古力仍然係屬高脂肪高糖嘅食物，唔應該倚賴以進食朱古力去改善心臟健康問題。 建議每日進食份量唔超過一隻手指公大小份量。

圖片來源: 互聯網

【myCOOKey清新果撻製作班】

我要開班啦! 第一次同myCOOKEY 合作做客席導師開班教初級烘焙入門果撻製作班. 想一齊玩下就搵埋朋友一齊報名啦. 

【myCOOKey清新果撻製作班】
果撻一向受女性歡迎，甜而不膩，
今次學整法式檸檬撻同埋蘋果金寶撻，烘焙新手都做到！
報名在此：http://bit.ly/0304class
===============================================
內容：
製作 法式檸檬撻1個 及 蘋果金寶撻1個
(附有精美紙盒，以便課堂後可取走完成品)
日期：2017年3月4日（星期六）
時間：下午2時至4時 (2小時)
地點：基督教勵行會 - 荃灣西樓角路222-224號，豪輝商業中心2座地下上層UG02室
價錢：
<早鳥優惠> HK$300/位, HK$580/2位 [ 須於2017年2月20日前完成繳費 ]
原價：HK$350/位 [ 於2017年2月21日至28日期間完成繳費 ]
名額：20人/班 [ 名額將以完成繳費的時間為準，以先到先得的形式分配 ]
查詢熱線：3955-6454 (服務時間：星期一至五早上9時至晚上6時，星期六、日及公眾假期休息)

低卡甜品食材-健康糖

對於注重體重人士黎講"甜品"兩字真係又愛又恨,食件蛋糕前都要先黎個食前心理戰. 要喺食同唔食之間作出決擇真喺唔係咁容易,而對於鍾意整甜品既人黎講就更加大引誘,唔通真係只可以"有得整,冇得食"?

近期試用"太古天然健康糖"做蛋糕, 味道冇太大分別, 因為太古健康糖用既係天然甜味劑(代糖)- 甜菊醇糖苷, 不含卡路里, 而甜菊葉甜度比白砂糖高一倍, 所以用既份量可以減半,而可以保持甜度.

從營養角度黎講, 用健康糖整既甜品含有較低卡路里, 對於注重體重既人士黎講係一個較適合選擇.
一個原本要用100克白砂糖整嘅蛋糕,用50克太古健康糖代替可以將熱量減400千卡熱量!

但如果撇開營養, 以"為食人士"角度黎講, 我自己就覺得用太古既健康糖黎整曲奇可能會冇咁鬆脆, 因為砂糖既多少會影響曲奇既口感, 落少一半份量糖可能令曲奇口感偏軟啲, 如果要整牛油曲奇,或者薄脆曲奇用番普通砂糖口感會比較好啲.

但係用黎整蛋糕, 班戟, 梳乎里等甜品係唔錯既健康選擇, 口感冇咩大分別,最緊要係卡路里少左, 心理上都會好啲😂.

市面上有啲健康糖用合成甜味劑-阿斯巴甜蘊 (Aspartame)為主要成份, 以味道同食用安全性作比較, 我會選擇用天然甜味劑甜菊醇糖苷. 雖然有研究顯示合成甜味劑或跟體重上升,什至癌症有關係,但多年不同的研究結果不能一致反映合成甜味劑對人體有負面的影響. 不過既然有選擇,始終天然嘅比合成好.

無論食材本身有益定冇益, 多食,少食都會引起某些健康問題, 所以進食份量非常重要, 而甜味劑-甜菊醇糖苷及阿斯巴甜蘊都通過聯合國糧食及農業組織的安全評估.只要不長期超過進食安全食用量, 對身體健康唔會構成影響. 

本身甜味劑對注重體重又愛甜食既人士黎講, 確實可以幫助減少攝取熱量, 但係如果因為用甜味劑同時又放肆食其他高卡食物, 分分鐘適得其反.

而且大部份甜點都會用上牛油或朱古力或其他高脂食材, 就算用甜味劑整甜品, 都喺個句 "一啖起,兩啖止"好喇.

想知道更多關於 甜味劑資料,可以參考以下連結:

甜味劑在減少糖攝取量方面的角色http://www.cfs.gov.hk/tc_chi/multimedia/multimedia_pub/multimedia_pub_fsf_106_02.html
甜菊葉天然甜味劑使用安全性資料: http://www.cfs.gov.hk/tc_chi/programme/programme_rafs/programme_rafs_fa_02_04.html
長期食用合成甜味劑對體重影響
https://www.hsph.harvard.edu/nutritionsource/healthy-drinks/artificial-sweeteners/

圖片來源:互聯網

綿花糖脆米朱古力

材料：

煮食用朱古力 黑 白 各   200克 

脆米        1/2 杯

杏仁        全粒 或 片狀

Oreo 曲奇        5 塊

棉花糖  （細）  1杯

所需容器:
 任何平底焗蛋糕焗盤或容器

步驟：

1） 將黑朱古力放入容器中隔水用約50-60C 溫水將黑朱古力溶化,或可將朱古力放入微波爐叮大概2分鐘,要每隔20秒攪拌日一下, 直至朱古力溶化。勿將朱古力在爐上直接加熱, 用剛沸騰溫水 (simmering water)倒入另一容器隔水溶化效果較佳, 用過高溫度熔化會使朱古力過稠,沒有光澤. 熱水溫度大概控制至60C 以下. 用金屬容器比較好傳熱.

2）裁剪適合大小的牛油紙,放在容器底上

3）將融化的朱古力倒入容器中輕輕將容器搖晃把裏面空氣放出來,待涼幾分鐘

4）將脆米平均撒在朱古力層上

5）將容器放入雪櫃, 冷凍期間可以用同樣方法溶白朱古力

6）將朱古力從雪櫃取出,在將已溶化的白朱古力倒上面大概一公分厚 待冷卻大概2分鐘

7)  把OREO 放於保鮮袋中,用手或麵粉棍弄碎, 把OREO曲奇碎隨意放在朱古力面上再灑上棉花糖,杏仁片或杏仁粒

8）把剩餘的已溶化朱古力放入唧袋中在朱古力上畫出花紋作裝飾

9）放室溫或雪櫃待涼

10）將刀放於熱水中幾秒,用紙巾抹干,然後隨意切出長方形大小, 完成

*朱古力顏色,味道,大小或朱古力層厚度可跟個人喜好而改變

增肌肉唔一定只靠食肉

減肥要事伴功倍, 除左要注意飲食之外，增加肌肉量對燃燒體內卡路里亦有幫助，每1kg 肌肉可消耗約（70-100卡路里）而1kg脂肪只能消耗4-10千卡！

所以肌肉量多既人就連訓覺都會比肌肉量低既人燃燒更多卡路里。

增加肌肉量需要兩樣條件, 1) 負重運動 2)攝取足夠蛋白質 (每日建議攝取量- 女士:46克, 男士:56克)

除左肉類有蛋白質外,大豆製品同蔬菜都含高蛋白質。 

1両（麻雀大小）肉   7 克

1隻蛋                           7 克

一杯西蘭花                 3 克

一杯青豆                     8 克

一杯雜豆                    15克

兩湯匙花生醬             7 克

一杯黎麥                     8 克

一杯羽衣甘蘭             2 克

半磚硬豆腐                 6 克


圖片來源：互聯網

芝士蛋英式鬆餅

    

懶人食譜, 做法1分鐘, 放入焗爐焗5分鐘. 簡單營養早餐, 連碗都唔洗用添! 最啱分秒必爭既打工仔同學生朋友.

做法好單簡, 將蛋同芝士放係英式鬆餅上面,再放入焗爐焗5分鐘就完成. 灑上胡椒粉或羅勒香料調味,完全不需要加食油,比起煎太陽蛋健康得多.

配上一杯鮮奶同水果,就係一個豐富營養早餐! 注重健康人士可選擇低脂芝士或脫脂奶/豆奶飲品。

份量: 1 份

時間: 1分鐘

焗時間: 5分鍾

材料: 

英式鬆餅 English Muffin      1

蛋             Egg                        1

芝士(碎)  Shredded Cheese   10 克/ 1 湯匙 或隨個人喜好

步驟:

1) 預熱焗爐至200C

2) 將英式鬆餅分開上下兩份

3) 輕輕用手或匙羹於鬆餅中間位置壓實

4) 將蛋打開放於鬆餅中間

5) 把芝士碎放上面

6) 放入焗爐焗5分鐘或至金黃色,完成.

7款晨早全餐

自己動手整早餐 一啲都唔難 最難係諗食啲咩

 < 奇異果草莓低脂乳酪飲品， 鮮果果醬多士 >

<椰菜豬肉水餃， 蔬菜通心粉>

  < 全早餐： 鮮水果，芝士焗番薯，溫泉蛋， 煉奶多士 >

   < 自家製洛神花果醬麵包， 水果乳酪芭菲, 法式蔬菜(加芝士)焗蛋 -->食譜 >

     < 鮮水果， 茉茶可麗餅-->食譜， TimHortons French Vanilla 咖啡 >

  < 鮮蝦雲吞蕃茄湯麵， 灼大白菜， 綠茶 > 

     

      < 奄列蛋配西蘭花， 煎白菜餃子， 玄米茶 >